मी वेडा होतो म्हणुनी ...
मी वेडा होतो म्हणुनी ते सर्व शहाणे ठरले
ह्या वेड्याचे हे शहाणपण त्यांना कोठे कळले ?
ही अशी कशी बरे ह्या शब्दांची गफलत झाली ?
मी गीत लिहाया बसलो ; गझलेचे शेरच लिहिले !
अंधार नशिबाचा मी असा मजेने पीत गेलो
पीता पीता माझे मीच अवघे नशीब उजळले !
मी अजून कोणाचा साधा निषेध केला नाही
खंजीर खुपसणारेही दिलगीर होऊन बसले !
मी लिहीत होतो ती केवळ एक कहाणी नव्हती
स्वप्नांनी मी आयुष्याचे पुस्तक नाही भरले !
... देवीदास हरिश्चंद्र पाटील
कोणत्याही टिप्पण्या नाहीत:
टिप्पणी पोस्ट करा