राजकीय लावणी
खोके नि पेट्या मिळवा
राया तुम्ही संपत्ती कमवा || धृ ० || राया तुम्ही...
सत्ताधारी असो वा परका
तुम्ही गळाभेट घ्या बरं का ...
काढा फोटो, सोबत मिरवा... || ०१ || राया तुम्ही...
बघू नका रंग हिरवा
करू नका हट्ट भगवा
स्वार्थाचे चित्र रंगवा ... || ०२ || राया तुम्ही...
बघा कोण किती देतो
कोण सोबतीने नेतो
हवी तेव्हा टोपी फिरवा... || ०३ || राया तुम्ही...
बसून खातील पिढ्या सात
पडणार नाही कसली ददात
बंगले नि माड्या बनवा... || ०४ || राया तुम्ही...
सोडा शामळूपणा आता
तुम्ही बाईकने का हो जाता ?
चार चाकी गाड्या उडवा.... || ०५ || राया तुम्ही...
....देवीदास हरिश्चंद्र पाटील
०४.०७.२०२४ सकाळी०९.१०
कोणत्याही टिप्पण्या नाहीत:
टिप्पणी पोस्ट करा