प्रवाह दोन असले तरी....
प्रवाह दोन असले तरी
सागर एकच असायला हवा ना !
सागरातून प्रवाह वेगळा काढता येईल ?
एक प्रवाह वेगळा काढायचा की
दुसरा प्रवाह वेगळा काढायचा
आपल्याच शरीराच्या सागरातून ?
हया प्रवाहाच्या लाटा
त्या प्रवाहाहून वेगळया रंगाच्या आहेत
पण त्या आधी लाटा आहेत की
एकीकडे किना-याकडे येऊन परततात
आणि दुसरीकडे परततच नाहीत
असं काही अगम्य त्यांच्याबाबतीत आहे का ?
कोण आहे लाटा उठवणारा ?
... देवीदास हरिश्चंद्र पाटील
कोणत्याही टिप्पण्‍या नाहीत:
टिप्पणी पोस्ट करा