मी न केला अती अभ्यास गझलांचा
अंतरी ठेवला मी ध्यास गझलांचा
मी न सांभाळली वृत्ते पुस्तकी ती
फक्त ' वृत्ती ' त होता श्वास गझलांचा
हात सोडून गेली माणसे होती
लाभला हात पण हमखास गझलांचा
ओळ सुचली तशी लिहिली गझल होती
गुणगुणत राहिलो मधुमास गझलांचा
मज दिली गझल बापाने गझलच्या अन्
आवडू लागला सहवास गझलांचा
.... देवीदास हरिश्चंद्र पाटील.
टीप :
मराठी गझलबद्दलचा अशी शिका मराठी गझल हा लेखही अवश्य वाचा .
कोणत्याही टिप्पण्या नाहीत:
टिप्पणी पोस्ट करा