कशासाठी पांडुरंगा
कशासाठी पांडुरंगा तुझे गुण गाऊ ?
कशासाठी पंढरीला तुझ्या सांग येऊ ... || धृ ०||
आता कुठे आहे ज्ञाना, आता कुठे नामा ?
पाहतो रे जो तो आता, येतो कोण कामा !
माझ्यातला नि:स्वार्थी भाव कुठे ठेऊ ... || ०१ ||
आता कोणाला कोणाची राहिली न भीती !
आहे कुठे न्याय आता ? आहे कुठे नीती ?
पाप हेच पुण्य होता... पुण्य कुठे नेऊ ... || ०२ ||
आता तुझी चंद्रभागा आटोनिया गेली
पायाखालची तुझ्या वीट कोरडी झाली
भक्तीचा ओलावा मी सांग कुणा देऊ ... || ०३ ||
... देवीदास हरिश्चंद्र पाटील
१३.०९.२०२१
कोणत्याही टिप्पण्‍या नाहीत:
टिप्पणी पोस्ट करा