येथे हसून सारा वैशाख सोसला मी ...
डोळ्यातल्या घनांचा आषाढ रोखला मी !
ONLY DEVIDAS ! Me to myself & You ! Top Marathi and Hindi articles, poems and gazals. फक्त देवीदास ! साहित्यिक देवीदासाचा स्वतःशी आणि तुमच्याशीही सुरू असलेला सुसंवाद ! आयुष्य तितकेसे सोपे नसतेच कुणालाही . आयुष्याकडे बघतांना बरेच काही जाणवते , आढळून येते. स्वतःच्या व इतर अनेकांच्या आयुष्यातील अनुभवांची ही शिदोरी...फक्त देवीदासाच्या शब्दांत... खास तुमच्यासाठी !
येथे हसून सारा वैशाख सोसला मी ...
डोळ्यातल्या घनांचा आषाढ रोखला मी !
मी वेडा होतो म्हणुनी ते सर्व शहाणे ठरले
ह्या वेड्याचे हे शहाणपण त्यांना कोठे कळले ?
ही अशी कशी बरे ह्या शब्दांची गफलत झाली ?
मी गीत लिहाया बसलो ; गझलेचे शेरच लिहिले !
अंधार नशिबाचा मी असा मजेने पीत गेलो
पीता पीता माझे मीच अवघे नशीब उजळले !
मी अजून कोणाचा साधा निषेध केला नाही
खंजीर खुपसणारेही दिलगीर होऊन बसले !
मी लिहीत होतो ती केवळ एक कहाणी नव्हती
स्वप्नांनी मी आयुष्याचे पुस्तक नाही भरले !
... देवीदास हरिश्चंद्र पाटील